مرحبا بك زائرنا الكريم فى منتديات عمارة البنا الرجاء التكرم بالتسجيل والانضمام الى اسرتنا



 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ليل المغنين / مشوار

اذهب الى الأسفل 
كاتب الموضوعرسالة
yousif
Admin
avatar

عدد المساهمات : 83
تاريخ التسجيل : 22/12/2011
العمر : 39

مُساهمةموضوع: ليل المغنين / مشوار   الإثنين مارس 11, 2013 12:06 am



ليل المــُــغنين


إنتَ يا ليل المغُنين

فى صباحات اليتامى

فى البشيل فوق كتفو يمْشِى

لمَّا ترْخِى الخيل لِجامهْا

يا حمامَهْ

ودِّعينى

ودِّعى الارض البتزْرَع

فى جروف الحُب ضلامهْا

ارْخِى كتفِكةواحْضِنينى

وارْمِى فوق كتفى الملامه

صدِّقينى

صدَّقى البرْق البيبْرق

من ظنوننى

يدْخُل المُدُن الغريبَهْ

يغشى أيامهْا ودروبهْا

إنتِ ما الوهم البيغْسِل

كل أوهامى وشحوبهْا

تسْمَعَ الأرض ابتسامِك

تحْفَحظ الأنجم كلامِك

وانت روح النيل وِ سامِك

يا حمامَهْ يا غمامَهْ

مين حيدِّيك السلامَهْ؟



مشوار


سوّاح

سوّاح دخلتَ معاكْ

فى ليل..

صَبى .. وظالِم

وسرَحتَ فى أحضان ظنِّي الجميل..

واهِم

إنّو البصيبنى معاكْ..

لازِم يكون راحِم..

من أوّل المشوار..

حسّيتْ بأنِّى معاكْ

حفيانَهْ منِّى الروح

ولا مجنون.. ولا سالِم

***

تقدّم سكّتَك مرَّهْ..

تأخِّر سكَّتى ..مرّات

وتظهر فى القمر أشكال..

لإحساس مرَّهْ جانى وفات

أقول يمْكِن سراب باللّيل

أقول جايز نُحول خافِت..

وادخُل فى ظِلال أنَّات

بقيتْ أحسِب حساب الشوق

واحِس بالجايى زى الراح

سوّاح دخلتَ معاكْ..

براي ،

أرحَم أكون سوّاح

بدونَك يا حبيب الروح..

بعْرِف أشيل الكون..

فوق راحتين .. وجناح

وأقْدَر أكون مجنون

حتى الزمن لو صاح

سوّاح دخلتَ معاكْ

وفيكْ غلبان .. وبيكْ مُرْتاح

(2)

حأفْتَح فى الجدار تاني

مكان على قَدْرِ أحزانى



أعاين فى جروف الليل

وأكتب فوق سروج الخيل

وبى سعف النخيل

تفصيل

حكايَة فقْدِى عنواني

وافتَح فى الجدار تاني

مكاناً لى حلم أخضر

ولا شُفْتو .. ولا جانى

الله.. وليه يا ليل

الله.. وليه يا ليل

تسافِر موجَهْ شتويَّهْ

تفتِّش فى ضواحي الكون

مراسيهَا النهائيَّهْ

وافتَح فى الجدار تاني

مكان ما بشيلا أحزاني

الله .. وآه يا نيل

أمامى رِحال..

ورَاي وادي

أحبَّك فى جروف الليل..

ضلامى .. وعُدتى .. وزادى

واحبَّك تاني..

وتاني ..تاني .. واتي..

وافتح فى الجدار تانى

مكاناً لى صباح وضُحَى

وارسم فى النهار وامْحَى

أماني ولا دليل .. لا حيل

وأ{سم فوق منابع النيل

شجونى الضاحكَهْ مُنْشرحَهْ

وأحبَّك تانى .. تانى .. وتانى

وافتح فى الجدار أشواق

مواعيد لى فرح حانى

(3)

وقفتَ على أمل شارِد

ونازِل من شعاع الروح

واقف فوق أمل ناهِد

وقفتَ معاكْ ظلال أشجار

على كل الحَصَل شاهِد

بأنّكْ إنتَ روح الكون

وانتَ الماشي والصاعِد

دوام بتلمِّى فى المغبون

وفى المحزون

وفى الغلبو الزمن قاعِد

وقفتَ على أمل مشبوك..

بأطراف الندى

ومحبوك..

على غُرَّة جبين نادِر

وفوق صهوَة فرح عامِر

إنتَ الغامِر الغامر

وإنت الآمِر .. الآمِر

وإنتَ المخفِي والظاهِر

وإنتَ فَرَح

جنوني

ومنْتَشى وآمِر

يا نجمَة صباح طَلعَتْ

على كون فى الدجى مسافر

إذا كان لُقياك

أنا الربحان وأنا الخاسِر

ويا غيمَة زمان آسِر

إنتَ الفيكْ أصيل مخزون

من بهجَهْ وطلاوَة رُوح

يودِّى الزول مَحَلْ ما يُروح

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ليل المغنين / مشوار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الأدب والشعر :: الشاعر عمر الطيب الدوش-
انتقل الى: